إذا عندك متجر إلكتروني وتلاحظ إنه ما يطلع في نتائج البحث على قوقل، فالموضوع مو صعب زي ما تتوقع.
في هالدليل بنشرح لك خطوات بسيطة وواضحة تخليك تطلع في قوقل وتجيب زيارات حقيقية بدون ما تصرف على الإعلانات. في هذا المقال سنجاوب على سؤالك “كيف اخلي متجري يطلع في قوقل”
أول شيء: لازم تفهم كيف قوقل يشوف متجرك
قوقل ما يشوف موقعك مثل الناس، هو يقرأ الأكواد والمحتوى اللي داخل الصفحات.
علشان كذا لازم تسهّل عليه فهم موقعك من خلال:
-
تحديد نوع كل صفحة (منتج، مدونة، صفحة رئيسية…).
-
كتابة عناوين وأوصاف توضّح المحتوى بدقة.
-
ربط الصفحات ببعض بروابط داخلية من خلال استراتيجية انترينال لينك قوية تربط جميع صفحات الموقع.
ولا تنسى ترسل خريطة الموقع (Sitemap) وتتأكد إنك فعّلت متجرك في Google Search Console.
خصوصًا لو متجرك على منصة سلة أو ووردبريس أو شوبيفاي.
ثانيًا: الأسباب اللي تخلي متجرك ما يطلع في قوقل
قبل تبدأ تحسّن، لازم تعرف وين المشكلة بالضبط:
-
ما فعّلت موقعك في Google Search Console.
-
ما أرسلت خريطة الموقع أو فيها أخطاء.
-
الموقع بطيء جدًا أو ما يفتح مضبوط بالجوال.
-
وصف المنتجات مكرر أو منسوخ من مواقع ثانية.
-
ما تستخدم كلمات مفتاحية مناسبة.
-
مافيه روابط بين صفحات متجرك.
-
المحتوى ضعيف أو ما يشرح للزائر وش تقدم.
ثالثًا: الخطوات التقنية عشان قوقل يتعرّف على متجرك
-
فعّل Google Search Console
-
أضف نطاق متجرك وتحقق من الملكية.
-
أرسل خريطة الموقع (sitemap.xml)
-
في سلة: من لوحة التحكم → أدوات تحسين محركات البحث → خريطة الموقع.
-
في ووردبريس: استخدم إضافة Rank Math أو Yoast SEO.
-
-
افحص سرعة المتجر عن طريق PageSpeed Insights.
-
خفّف حجم الصور، ويفضّل تكون بصيغة WebP.
-
فعّل الكاش (التخزين المؤقت).
-
-
تأكد إن الموقع متجاوب مع الجوال لأن أغلب الزوار يدخلون من الجوال، وقوقل يقيّم على هالأساس.
رابعًا: حسن المحتوى الداخلي للمتجر (On-Page SEO)
المحتوى هو المفتاح اللي يخلي قوقل يفهم منتجاتك.
-
استخدم كلمات مفتاحية واضحة تمثل نية العميل، مثل:
-
“خلاط منزلي قوي” بدل “خلاط XYZ”.
-
“زبدة فول سوداني صحية” بدل “منتج ABC”.
-
-
اكتب وصف فريد لكل منتج ووضح الفايدة مو بس المواصفات.
-
استخدم عناوين جذابة تحتوي الكلمة المفتاحية.
-
أضف صور واضحة بجودة عالية مع اسم ملف ووصف بديل مناسب.
خامسًا: تجربة المستخدم لها تأثير كبير على ظهورك في قوقل
قوقل يهتم بتجربة الزائر داخل متجرك، ولو الزائر جلس فترة أطول فهالشي يعطي إشارة إيجابية.
نصايح بسيطة:
✅ خل التصميم بسيط وواضح.
✅ خفّف وقت تحميل الصفحات.
✅ سهّل التنقل بين الأقسام والمنتجات.
✅ حط أزرار “اطلب الآن” أو “أضف للسلة” بشكل واضح.
سادسًا: كيف تبني مصداقية لمتجرك خارج الموقع (Off-Page SEO)
قوقل يثق بالمواقع اللي الناس تتكلم عنها وتشارك روابطها.
علشان تبني هالثقة:
-
احصل على روابط من مواقع ومدونات قريبة من مجالك.
-
فعّل حضور متجرك على السوشيال ميديا.
-
اطلب من عملاءك يكتبون تقييمات حقيقية على Google Maps أو على صفحة المنتج.
سابعًا: استخدم المدونة لزيادة الظهور في قوقل
المدونة تعتبر أداة قوية جدًا لجذب الزوار.
اكتب مقالات عن مواضيع مرتبطة بمنتجاتك، مثل:
“أفضل طرق ترتيب المطبخ الصغير”
“فوائد زبدة الفول السوداني الصحية”
بهالطريقة، بتجيب زيارات من ناس تبحث عن الحلول وتتعرف على منتجاتك بنفس الوقت.
ثامنًا: أخطاء لازم تتجنبها
❌ نسخ وصف المنتجات من مواقع ثانية.
❌ حذف صفحات بدون عمل تحويل (Redirect 301).
❌ استخدام صور بدون نص بديل.
❌ كتابة عناوين غامضة مثل “المنتج الجديد”.
❌ تجاهل صفحة “من نحن” أو “المدونة”.
ظهور متجرك في قوقل مو صدفة، هو نتيجة خطوات بسيطة بس لازم تنفذها بذكاء واستمرار.
ابدأ اليوم، وراقب أداء متجرك في Search Console، ومع الوقت بتلاحظ كيف يتحسن ترتيبك ويزيد عدد الزوار والمبيعات.
✨ ولو تبغى خطة سيو جاهزة لمتجرك خطوة بخطوة، تقدر تتواصل مع رنا جمال — خبيرة تحسين محركات البحث وتصميم المواقع، متخصصة في متاجر سلة وووردبريس في السوق السعودي والمصري.
